Diadomingo marduga pa 4:00am habitantenan cerca di Club Euphoria a yama Polis pa un pelea di gang. Na yegada di Polis, e bringadonan di nacionalidad Dominicano no kier a sigui ordo di Polis pa bandona sitio.
Consecuentemente a pidi presencia di mas Polis pa controla e gang grandi na e sitio. Esey no a yuda, pasobra dado momento e publico a cuminsa insulta e defensornan di ley y a cuminsa bringa cu nan tambe.
Mesora mas unidad policial a yega y asina a lucha cu e personanan,cu tabata mustra di tabata burachi tambe. Polis a detene algun ya transporta nan pa Warda di Polis.
