Diadomingo atardi a tuma luga un evento riba e veld na Esso Heights. Aki ta caminda cu miembronan di Impact Club a organisa un car wash p’asina recauda fondo pa e veld. Nan meta ta, pa renoba e veld mirando cu hopi mucha ta haci uzo di dje, pero e ta den un mal estado.
For di e cancha di basketball te na e cura y sin laga afo e luznan cu no ta funciona. Habitante y miembro di club ta spera cu pueblo por sostene nan proyecto. Pa 25 florin nan ta laba bo auto paden y pafo.
Na final nan meta ta pa kita mas mucha for di caya haciendo cosnan cu no necesariamente ta algo positivo. Den transcurso di luna di maart por conta cu mas proyecto di e club aki, pasobra nan ta bezig cu algo positivo p’e bario.
