Recientemente e Iglesia situa den Dakota, Movimiento de Gloria a lansa un produccion completamente nobo. Ta trata aki di un cantica. Durante un entrevista cu 24ora.com, pastoor Ezequiel Antony conoci pa cantante, musico y locutor a conta cu esaki ta nan prome produccion propio.
Antony na inicio a conta cu el a bandona e mundo di farandula y awor tin mas cu un decada den Evangelio como Pastoor sirbiendo Dios hibando e Evangelio na nivel internacional hunto cu su congregacion Iglesia Ministerio Movimiento di Gloria.
E cancion Alab’E a nace como un idea mutuo di Iglesia su MDG Worship Team di graba un alabanza cu inspira tur persona na alaba Dios den tur momento conforme Bijbel Salmos 150:6 tur cu tin rosea alaba Señor.
Anthony a conta cu nan ta trahando cu un grupo di hoben cu ta scoge pa e bon caminda di Dios. Den Cristo no tin revalidad, el a join hunto cu e generacion mas nobo p’asina hiba un bunita alabansa p’e pueblo di Aruba. Mayoria di nan cancionnan ta cover, pero awo cu propio produccion, e ta un ritmo bailabel.
