Durante e reunion di e siman aki den Tweede Kamer, unda cu a papia riba e asunto di Geschillenregeling, tambe a hiba palabra Raymond Knops (Secretario di Estado pa Asuntonan Interno y Relacionnan di Reino). Loke cu a resalta den un parti di su disertacion ta unda cu e ta duna indicacion serio cu e pensamento di intervencion na Aruba ta algo serio.
E pensamento aki ta bini despues cu coalicion den Parlamento a dicidi di cambia e ley di supervision financiero na nan forma, unda cu Hulanda no por bisa nada den asuntonan financiero.
Knops a uza e sucedido cu e cambio di ley LAft, pa ilustra e pensamento cu tin riba Geschillenregeling. El a pepia di un impasse cu tin cu Aruba riba e amiendo di Laft. A splica cu mayoria den Parlamento kier adapta e ley di tal forma cu no tin ningun posibilidad cu Gobierno di Reino por eherce supervision.
Hulanda ta duna indicacion di intervencion na Aruba
Hulanda ta duna indicacion di intervencion na Aruba. Click e link pa mas https://24ora.tv/2NFTAIi
Posted by 24ora on Wednesday, July 3, 2019
Pero e pensamento aki, el a bisa, ta bay en contra di acuerdonan existente entre Gobiernonan di Aruba y Hulanda. Pero na mesun momento a menciona cu esaki ta un caso andando ainda, pa cual e no por divulga mucho informacion ni kico e posicion aki tuma door di e Parlamentarionan ta nifica. Loke si el a bisa tabata “esaki ta un situacion abnormal. Probablemente e no ta zona straño si mi bisa cu e chensnan di intervencion riba e punto aki, ta wordo explora door di mi departamento, den caso cu Aruba sigui cu e pensamento aki.”
Pa splica su mes miho, el a bisa e sala di Parlamento pa pensa un rato cu e intervencion tuma luga y cu tin un solucion di e controversianan pero sin nada di siguridad. Den un situacion asina, lo por encamina atrobe un trayecto nobo pa yega na na e mesun punto, pero sin e problema huridico aki, con chikito cu e por ta.
Pero un decision nobo ta nifica tambe otro ronda di solucion di controversianan. Y asina lunanan ta pasa, cu tur e consecuencianan cu esaki ta trece cun’e manera incertidumbre riba mercado financiero, e reputacion di Aruba riba tereno di credito ta wordo afecta, e condicionnan bou di cual Aruba por financia su debenan ta bira cada bes mas desfaborabel, y e interesnan ta bira cada bes mas halto.
Cu e palabranan aki, Knops a ilustra cu ta na beneficio di Aruba pa yega na un soluciona rapido di e blunder cometi door di miembronan di Parlamento cu ta forma parti di coalicion.
Prome Minister Wever Croes ta biahando pa Hulanda, segun nos fuentenan, pa papia riba e tema aki. Hulanda kier yega na un solucion rapido pasobra intervencion por tuma luga si Aruba kier of no.
