Ciudadanonan den alerta a mira un homber, cu no ta un habitante, a drenta den cura di cas di un funcionario policial y a dicidi di bati alarma.
Segun e bisiñanan ta conta, e homber no tabata completamente bisti y tabatin algo den su man parecido na un machete. Esey a pone cu nan a spanta tambe. Pero Polisnan cu a yega no a topa niun persona mas den e cura. E colega di nan mes no tabata t’ey. A haya permiso di dje pa drenta y rista. Pero nada di e homber mita sunu cu machete den man.
A sigui averigua cerca personanan den bisindario, y a bin compronde cu ta trata di un homber kende supuestamente tin problema mental y ta un adicto. E ta algo cu parce e sa haci mas biaha, entre otro den bisindario di Centro di Bario Brasil tabatin melding di dje.
