Un problema formal y penoso a sosode diasabra atardi na un cas na Playa, unda cu un persona cu tabata cuida un bieu cu a fayece, ta bendiendo su propiedadnan sin ningun permiso di familiar.
Diasabra atardi polis a yega na un cas den Sibeliusstraat pa intermedia den un problema. E ta un problema basta grandi y huridicamente.
E version cu a haya eybou ta bisa cu un señora tabata cuida un cabayero, kende tabata malo. Dado momento su situacion a empeora y mester a transporte pa Colombia pa mas tratamento medico. A resulta cu e señora cu ta cuida e cabayero a laga un ruman di dje mes (di e sra) biaha cu e pashent pa Colombia. Tur esaki a sosode, segun e version na e sitio, sin cu a avisa familiarnan.
Na Colombia e pashent no a logra wanta y a fayece. No ta menciona ken a tuma e decision, pero a cremeer e fayecido, sin avisa e familiarnan na Aruba.
Dado momento e enfermera of guia di e persona aki na Aruba a cuminsa bende cosnan den e cas manera boter di gas, frigidaire, etc. Diasabra a mira cu ta sacando cos pa bende atrobe y a dicidi di pidi intermediacion di polis. E funcionarionan a bis’e pone tur cos paden.
Segun personanan den bisindario, e familiarnan di e fayecido a purba saca e hendenan for di den e cas na varios ocasion pero sin resultado.
