Diadomingo den oranan di merdia a manda Polis na Hooiberg pa un problema cu tabata escalando. Ora cu Polis di Santa Cruz a yega na e sitio a atende cu e problema. Polis a sinti cu e situacion lo no calma si tur hende keda presente na e adres na Hooiberg.
Polis a intermedia y pidi un di esnan na e cas pa bandona y asina evita problema pa e resto di dia. Polisnan a ofrece e persona un lift tambe. A pidi presencia di dogcatcher. Asina nan a hinca e persona den dogcatcher y hibe na un Adres Caya Kannebloem den Jaburibari. Trankilidad a reina cu e decision di Polis.
