Bisiñanan biba na Boroncana kier biba den trankilidad. Parce cu esaki no ta posibel pasobra hendenan straño ta yega na un cas y causa desordo te den oranan di marduga. E bario ta masha conoci pa su trankilidad pero e ultimo tres simannan el a bira un problema den weekend. Ta mira caranan straño di hobennan y fiesta cu musica duro den e bario na e cas Boroncana 254.
Polisnan a presenta marduga y a mira cu tabatin basta hoben y entre nan consumo di alcohol. No por bisa si tabatin otro cosnan straño. Durante dia atrobe Polis a bay pasobra diferente habitante kier a papia cu Polis.
Nan a splica cu e doñonan di cas no ta na Aruba. Nan a bay afo pero aparentemente e yiu menor di edad ta kedando den un apartamento patras. E cas mes ta wordo parti den diferente camber cu ta huur. Tin un piscina patras di e cas y ey e fiesta cu musica duro ta tuma lugar causando intrankilidad den e bario.
Autonan y movecionnan straño dilanti e cas di diferente otro habitante. E kehonan a bin despues di cu pa tres weekend tras di otro tin molester. Polis a atende cu e situacion y a tuma tur datos pa asina busca manera di haci algo pa e problema.
Kizas esaki mester bira un advertencia pa e doño di cas mes cu kizas no sa kico ta pasando durante su ausencia na Boroncana 254.
