Den careda di 11’or y mey di anochi, polis a bay na rotonde di Tanki Flip, pa un accidente, unda cu un SUV a dal tras di un Skyline. Na e sitio, e chauffeur di e Skyline a baha pa mira kico ta pasando ora cu el a ripara cu e homber na stuur tabata halando rosea straño. A kere na prome instante cu ta stroke e homber a haya, luga a bin resulta cu ta ataca di curason. Un enfermera cu toevalig tabata tey na e sitio a cuminsa tuma accion di biaha y a administra e chauffeur CPR y reanimatsie. Despues ambulance a tuma over y a stabilis’e. Despues a hib’e hospital cu urgencia pa haya asistencia medico avansa.
