Diabierna, pa mas of menos 2’or y 20 di marduga, polis a bay na un adres na Macuarima, caminda cu lo tabata tin un caso di maltrato entre un pareha. Ora cu polis a bay na e sitio, nan a bin constata cu ta trata aki di un conocido pareha y ya e problema entre nan dos tabata andando pa basta dia.
Parce cu e homber a bati e muhe te kibra su brasa. Polis no a duda y a detene e homber di biaha hib’e warda y ambulance a transporta e dama pa hospital, pa asina e haya tratamento medico avansa. E adres aki ta mesun cu algun siman pasa e homber durante expresion cu menaza kier a dal Polis cu biga. Esaki a pasa durante e proceso di detencion. E ta mesun problema di pareha. E dia ey hasta Polis a tira e homber pasobra no kier a tira e palo abou. Atrobe manera semper e agresividad ta keda hunga un rol y e biaha aki mester a bolbe haci detencion.
