Un chauffeur coriendo riba highway principal pa area di hotel a bay dal den rotonde di Sasaki, na altura di Citgo Sasaki. E chauffeur a resulta herida y transporta pa hospital.
Esaki a tuma luga den careda di 6:50 pm ora a informa cu tin un accident a tuma luga na dicho rotonde. Polis a presenta y cuminsa tuma dato mientras tabata warda riba yegada di e ambulance.
Chauffeur tabata na stuur di un Kia Picanto numera V-88. Segun por a compronde, velocidad a hunga un rol grandi. Na momento cu el a tuma nota di e rotonde, tabata laat caba y no por a evita e impacto.
