Diadomingo anochi alrededor di 10:15 pm un dama chauffeur a perde control riba stuurwiel di su auto y a bay pega den cura di Bushiri Karting. Ta trata di un Suzuki Swift numera A-49294.
Parce e chauffeur a bay hala pa un cacho, a perde control y a dal cura di Bushiri Karting basha abou. E front di e auto a ricibi basta daño. E auto tabata mita den e cura di Bushiri Karting y mita parti pafo. Por poco el a subi pista di karting.
E chauffeur no a resulta herida. Forensys a documenta e accidente aki mientras un takelwagen a saca e auto for di e cura di Bushiri Karting. Ta un solo auto envolvi den e accidente aki.
