Diamars anochi varios unidad di polis a bay direccion di Pindastraat. Prome informe tabata cu tin tiramento. Na yegada polis a topa cu un prome hulls. A cera e area pa asina por a cuminsa investiga y mira si tin mas hulls. Testigonan a bisa cu dos homber lomba sunu rasta style a pasa los tiro.
Nan tabata riba un scooter. Polis a cuminsa cu buskeda. A drenta informacion cu por ta hendenan di Rancho. Mientrastanto den e investigacion a bin topa mas hulls. Esakinan tabata riba caminda den Mandolinstraat. Departamento Tecnico di polis a presenta pa asina atende cu e evidencianan.
Segun bisiñanan mas biaha ta pasa los tiro asina den e caya. Kico ta e problema of kico ta e mensahe cu kier manda no ta conoci. E buskeda pa e persona cu ta sospecha di a tira y huy riba scooter ta continua. Hasta tin hende a menciona nomber cu ta un persona fam T.
