Aglomeracion riba Linear Park

Tabata alrededor di 9:00 pm ora cu polis a presenta na Linear Park p’un aglomeracion formal. Por lo menos dies unidad di polis a presenta pa pidi tur hende cu no ta cliente di e barnan pa bandona sitio. No ta acepta pa ta riba parkeerplaats (area publico) despues di 7:00 pm.

Tabatin hopi auto y brommer riba Linear Park. Tur hende a bin cu nan jug den bahul pa pasa un rato ameno riba Linear Park. Den dies minuut polis a logra core cu tur hende cu tabata riba e parkeerplaats. Tin cu a sigui ordo mesora y otro cu polis mester a papia un poco mas largo cu nan pa compronde e situacion.

Polis ta pone fin na fiesta pa Dia di Betico na Linear Park

Posted by 24ora on Tuesday, January 25, 2022

No tabata necesario pa detene ningun hende pa no sigui ordo di polis. Dos ora despues, polis a bolbe regresa pa algun persona cu a bolbe cu nan jug pa disfruta di e ambiente di e barnan sin cu ta cumpra ningun cerbes.