Diamars anochi unidadnan policial a bay pura den direccion di Totomo. Esaki ta un adres pabou di e casnan di pueblo na Sero Patrishi. A drenta informacion cu tin un homber a dal su casa mande for di su conocimento. E señora no tabata reacciona. Ora cu polis a yega a haya e bisiña cu a bati alarma.
El a bisa polis na cual cas nan mester bay. Polis a yega haya e homber den cura pafo di cas. El a cuminsa papia cu polis. Polis a drenta e cas haya e señora. E señora tabata contesta polis. El a bin bek na tino. Parce tabata tin un discusion entre e pareha despues di un trip di dia di Betico.
Anochi e problema a caba na cas. Segun e homber e casa ta jaloers. Den e discusion e homber a lanta un stoel dal kibra den e cas. Prome instante a bisa cu e homber a dal e señora mande off. E bisiña a conta polis cu el a scucha e discusion y despues un klap. Djey e bisiña a core bin pidie yudansa pasobra e señora no ta reacciona.
Polis a papia cu e pareha separa for di otro. A pidi ambulance y na yegada a nenga yudansa. Finalmente no a cay detencion. E homber a bay drumi otro caminda y cu e speransa cu e diaranson lo bolbe cas y asina papia e problema entre nan dos. No por a saca afo si e homber a dal e señora mande off. Mas bien e ta bisa cu el a lanta y dal e stoel kibra.
