Grant Thornton Aruba ta busca un persona cu experiencia y pasion pa e posicion di Human Resources Officer. Bo ta un persona ambicioso, motiva, dinamico y eficiente? Duna Grant Thornton Aruba e oportunidad pa conoce bo! Grant Thornton Aruba ta ofrece un carera cu hopi oportunidad pa bo desaroyo, ambos personal y professional pa amplifica y alcansa bo metanan. E posicion di Human Resources Officer ta part-time, 20 ora pa siman y ta encera entre otro: e proceso di empleo, plania strategia di HR, asisti management team pa crea y implementa maneha y proceduranan di HR. Ademas di esaki, otro prioridad principal como Human Resource Officer ta pa continuamente contribui na mehoracion di ambiente y condicion di trabou na Grant Thornton Aruba.
Dicon Grant Thornton Aruba?
Grant Thornton Aruba ta ofrece tur empleado e oportunidad pa ta autentico y asina continua na fortalece nan carera personal y profesional. Grant Thornton Aruba ta balora e opinion di cada un persona, asina ta crea mihor oportunidad y relacion pa ambos cliente y empleado di Grant Thornton Aruba.
Na Grant Thornton Aruba – e cultura di “CLEARR” ta demonstra e initiativa pa crea oportunidad pa desaroyo personal y profesional di empleadonan. Den e programa di “CLEARR”, Grant Thornton Aruba ta enfoca ariba: Colaboracion, Liderazgo, Excelencia, Rapidez (Agility), Responsabilidad, y Respet.
Bo persona tin e rekisitonan aki?
E candidato perfecto tin un Bachelor of Master’s degree (Human Resources, Business of estudio relata) y minimo di 3 aña di experiencia como HR officer. Tambe bo lo mester tin experiencia den areanan di salario y beneficio, proceso di empleo, orentacion, evaluacion di trabou, trianing y desaroyo. Grant Thornton Aruba ta busca un persona cu tin bon maneho di tempo, comunicacion excelente verbal y por escrito den Ingles y Hulandes y abilidadnan social y personal.
Abo ta interesa pa join e team dinamico di Grant Thornton Aruba? Manda nos un e-mail incluyendo un carta di motivacion, resumen (CV) y un copia di diploma of certificadonan relatando na e posicion di HR Officer, na [email protected] pa 15 di Juli, 2020. Pa cualkier pegunta por manda un e-mail na [email protected]
Loading…
Reload document 
Open in new tab Tocante di Grant Thornton
- Grant Thornton Aruba ta existi 80 aña. En total mas cu 50 hende ta traha pa Grant Thornton Aruba. E prioridad di Grant Thornton Aruba su team ta pa scucha bo necesidadnan y hasie nos prioridad pa asina ofrece nos clientenan un servicio cu calidad di nivel mas halto. Grant Thornton Aruba ta consisti di diferente departamento pero ta funciona como un team pa sigura cu tur cliente ta recibi un servicio amplio y completo.
- Nos ta miembro di un red di oficinanan di Grant Thornton rond mundo den 140 pais y cu mas di 56.000 empleado. Ta nos tarea pa presenta calidad den nos trabou cu ta den e areanan di servisionan di auditoria, impuesto y asesoramento. E cliente mester djis bisa nos kiko ta importante p’e. Pa mas informashon bishita www.grantthornton-dc.com.
- Grant Thornton ta referi na e red di Grant Thornton y/of un of mas di e firmanan miembro. Di cua cada un tin nan mesun entidad huridico.
Pa mas informacion por tuma contacto cu: Ivana Jansen, tel: +297 522 1647, e-mail: [email protected] Por sigui nos na Facebook y LinkedIn of tambe via di: www.facebook.com/grantthorntoninaruba y www.linkedin.com/company/grant-thornton-in-aruba
