Gobierno tin un trabao hopi duro. Segun Minister Andin Bikker, tin cu garantisa ordo y respet pa mantene nos leynan. Si por a tuma nota di e cifranan pa loke ta trata e casonan lamentablemente cu tin for di Januari te cu awor aki, esta October, por a tuma nota cu un gran parti di e sospechosonan ta stranheronan di origen ilegal cu a bay over no solamente na falta respet di nos leynan di admision, pero pa comete actonan menos tolerante.
Esey ta subraya cu tin un shift. Den e temponan aki ta trata di un 15 pa 20 porciento cu ta bin di afo ta haci nan mes culpabel di crimen. Awor aki e ta bayendo den direccion di 40 pa 50 porciento. Esey ta cosnan subraya.
Ta trabao di Guarda nos Costa pa controla nos leynan di admision y expulsion. Ta birando un dimension sumamente importante pa mantene ordo y respet riba nos isla. Esey ta hopi importante pa Gobierno. Ta bezig cu recomendacionnan hunto cu DOW mehora e centro di Guarda nos Costa.
Segun minister Bikker, resumiendo cada un di e puntonan aki ta loke cu a pone nan como prioridad pa e personal di Guarda nos Costa. Pa nan por eherce nan trabao, nan tin mester di material. Esey ta loke cu minister Bikker a menciona durante di un ceremonia caminda cu personal di Guarda nos Costa a haya nan uniform nobo. Ora cu un gran parti di bienestar y bida ta pasa na trabao, e condicionnan laboral mester ta optimal. Esey ta loke tin cu concentra riba dje.
E Minister a gradici e personal di Guarda nos Costa pa e tremendo trabao cu nan ta desplegando, pa mantene nos pais sigur, apesar hopi biaha bao di circunstancianan no mucho facil. Pero esey ta bin cu mantencion di orden y siguridad.
