Gobièrnu ta proklamá dia 10 di òktober komo: ‘Dia di Outonomia di Kòrsou’

OLYMPUS DIGITAL CAMERA

Gobièrnu di Kòrsou den persona di Minister President sr. E. Rhuggenaath i Minister di Enseñansa, Siensia, Kultura & Deporte sra. M. Alcalá – Wallé a firma e proklamashon di ‘Dia di Outonomia di Kòrsou’. Konsiderando ku ta importante pa komo nashon nos traha riba nos identidat i duna realse na nos pais, gobièrnu a dekretá e dia di 10 òktober komo e ‘Dia di Outonomia di Kòrsou’. Ta di sumo importansia pa nos komo pais ban duna balor na momentunan históriko. Pesei Gobièrnu a konsiderá e siguiente puntonan aki:

 e státus outónomo a wòrdu realisá riba 10 di òktober 2010 (10/10/10);

 e komunidat di Kòrsou di forma boluntario a deklará di kièr aseptá e órden hurídiko

nobo, den kua e por kuida i atendé su propio interesnan independientemente;

 a base di igualdat atendé asuntunan di interes komun den Reino Hulandes kaminda

esaki ta nesesario i alabes duna sosten a base di resiprosidat den Reino;

 Gobièrnu di Kòrsou ta komprometé pa salvaguardá interes di su pueblo den Reino

Hulandes;

 Gobièrnu di Kòrsou ta komprometé alabes ku Reino Hulandes pa krea lasonan

estrecho di hermandat i traha huntu pa e pueblonan den Reino kaminda ta

nesesario;

 ta importante pa Gobièrnu di Kòrsou duna e ehèmpel kon por traha huntu pa logra

metanan komun i stimulá e pueblo na su turno pa sigui e ehèmpel. Esaki ta e puntonan di gran balor pa resolvé, proklamá, fortifiká i konmemorá 10 di òktober komo e: ‘Dia di Outonomia di Kòrsou’. E dia lo keda konmemorá i selebrá den Pueblo i lo ta un dia liber ofisial. Ku esaki Gobièrnu di Kòrsou ta duna un nifikashon nobo na e fecha i tambe ta duna balor na e relashon estatal nobo di Kòrsou den reino Hulandes.

OLYMPUS DIGITAL CAMERA
OLYMPUS DIGITAL CAMERA

Comments

comments