Mañan dialuna dia 10 di januari 2022 scol ta cuminsa atrobe. A pesar cu Aruba ta enfrentando un aumento den casonan di COVID-19, segun datonan, mucha bou di 12 aña no ta e grupo na risico pa cual motibo Crisis Team no ta mira e necesidad pa wanta scol cera mas dia y perhudica educacion di nos muchanan.
A pesar cu nos muchanan bou 12 aña no ta e grupo na risico, Crisis Team ta sinti e precupacion bou di algun mayor pa cual motibo ta laga e uzo di tapaboca na scol pa mucha bou di 12 aña como un desicion di cada mayor of voogd.
Mirando cu den mayoria caso positivo, mucha bou 12 aña ta desaroya sintomanan leve, Crisis Team ta haci e apelacion na mayornan pa no manda ningun mucha scol ora cu nan tin sintoma cu parce griep, pa leve cu esaki por ta, pero tuma e miho desicion y laga test e mucha pa di e forma aki proteha otro mucha y tambe yuda mantene e cantidad di contagio bou di e muchanan.
Loading…
Reload document 
Open in new tab Cu e decision aki, Gobierno di Aruba ta cambia di maneho, pasobra tabata ayera dia 8 di januari 2022 cu a manda e protocol vigente pa scolnan y den un dia, riba un pleno diadomingo, a cambia di opinion y tapaboca obligatorio a pasa pa un recomendacion y ta lag’e na discrecion di mayor si e yiu ta uza tapaboca na scol of no. Ta e tipo di cambionan abrupto den maneho hopi biaha ta causa desconfiansa den comunidad y ta cuestiona e expertonan cu ta conseha gobierno. Ta bisa esaki pasobra den e “Ministeriele Regeling” di diabierna ultimo, dia 7 di januari 2022, ta stipula den articulo 7.2 na punto 3-B cu mucha bou 12 aña NO mester bisti tapaboca. Pues, locual Gobierno ta traha den maneho legal no ta uniforme cu locual ta traha den protocol pa scolnan!
Loading…
