Segun Minister di Husticia Andin Bikker, ta bay haci un cambio di ley pa loke ta trata testament, cu ta data for di 1868. E propuesta a drenta na 2005, na 2013 tabata tin cierto cambionan.
Na 2018 a bin cu cierto propuestanan pa cambionanan adicional. Den e caso aki ta bin cu un base legal pa e Centraal Testament Register, ora cu Aruba a haya su status Autonomo den reino na 1986 a lubida di pone riba e lista positivo pa e Centraal Testament register riba dje.
Pakico lo ta un cambio positivo
Tin diferente persona ora cu un ser keri yega na fayece, cu hopi biaha nan mester warda un periodo basta largo pa haya sa si tin un testament registra na Corsou si of no, pa yega na particion di bienes.
Un di e prioridadnan tabata pa bin cu un base huridico pa esaki. Den nota di cambio den Parlamento tabata tin’e incorpora. Lo bay amplia e cantidad di notarionan cual actualmente na cuater. A amplianan te na 7 maximo. E intension ta pa bin cu dos notario adicional via un procedura cu consulta di corte comun y pa esey un di e beneficionan pa pueblo ta bay ta cu ta bay tin hopi procedura cu kisas door di falta di notario, ta tardando un tiki. Cu esey e procesonan ta bay encamina y por tin mas reparticion di herencianan mas lihe, traspaso di propiedadnan real estate, economia ta draai, etc. Ta un ley for di 2005 den Parlamento. Na 2013 a cambi’e un tiki. No a yega na oportunidad di trat’e. Awor aki na a amplia na 2018 y diaranson a trat’e den parlamento.
Parlamento a remarca cu tin otro procesonan cu ta obstaculisa pa por ehempel ora di traspaso di real estate, si ta leger waarde, si ta por ehempel cu e Centraal Testament Register mes cu hopi biaha mester check na Corsou e proceso ta tarda. A contesta y splica cu ta bezig cu e proceso di E-Government. A cera una cuerdo cu e gobierno di Estonia, cu ta lider den esaki. E gobierno di Estonia en todo caso, tambe conoce e tradicion di notarionan manera cu Aruba conoce a base di nos codigo civil. Nos Codigo Civil ta bay te na e Codigo Civil Frances, cual na su turno ta bay bek te na e Codigo Civil Romano. Estonia tambe conoce e dimencion di notario. Nan tin’e, si wak por ehempel den nan proceso nan tin E-Notary. Esey ta un di e aspectonan tambe cu na Aruba tambe ta vislumbrando den cuadro di acuerdo di E-Government cu asina por optimalisa y acelera diferente proceso, entre esnan cu diferente parlamentario a menciona.
