Diaranson merdia e dos rumannan Klabér a biaha pa Puerto Rico unda cu nan ta bay topa cu nan coach ex campeon mundial, coach Olimpico Henk Meijer. Henk Meijer ta bay coach nan den e Open di Puerto Rico cu ta un evento G1.
Esaki ta parti di e plan di 2019-2020 cu Henk Meijer a traha pa e dos rumannan Klabér. Nan lo bay all out pa asina logra e meta cu Henk Meijer a pone hunto cu Aruba Taekwondo Bond “ARTBO” pa por logra lo maximo.Awo cu ambos ruman ta adulto nan mester kibra e ijs y crece pa nan ta mas fuerte aki un tempo.
Manera Henk Meijer a relata durante e reunion cu e tabata tin hunto cu Presidente di ARTBO Dr. Guaicaipuro Jimenez luna pasa. Cornel Djaoen di Tele Aruba ta bay ta na Puerto Rico pa brinda nos pueblo y mundo henter cu e life stream bibo y directo for di e Facebook Page di Brazil Taekwondo Stichting durante e evento for di Diabierna.Brazil Taekwondo Stichting y ARTBO ta sumamente contento cu e desaroyo aki y cu e ayudo cu Henk Meijer ta brinda na Pais Aruba sin lubida nos planta nacional cu tambe ta apoyando.Nos ta desea nos atletanan Klabér exito na Puerto Rico e weekend aki.
