Gobernador di estado Falcon, Victor Clark, ta lamenta cu Corsou a converti den un centro pa ayudo humanitario cu Merca a organisa hunto cu e presidente autoproclama di Venezuela, Juan Guaido, pa atende e crisis alimentario y di remedi cu Venezuela ta enfrenta.
Tumando na cuenta e cercania entre e isla y estado Falcon y cu e ingreso di e ayudo aki por ta door di e region aki, a manifesta cu, “Corsou mester a evalua e consideracion y implicacionnan di a converti un biaha ma den un base militar tristo di un agenda contra e pueblo di Venezuela, contra paz, dignidad y independencia.”
Pa Clark, kende a declara na medionan di comunicacion for di e Marcha de los Claveles Rojos, cu ta realisa cada aña pa recorda e cantante popular Paraguanero, Ali Primera, no t trata di e ayudo humanitario, sino di accionnan relaciona na un intervencion y operacionnan militar, “un golpi di estado.”
“Nos ta denuncia abiertamente teatronan di guera y operacion cu ta pretende di bin for di Corsou, dirigi pa Southern Command, pa henter e coalicion, cu kier interveni den Venezuela for di e punto di bista militar,” el a expresa.
El a adverti Corsou riba e consecuencianan politico y diplomatico cu e ta bin cun’e “door di a pone nan mes disponibel pa esaki,” segun e gobierno Venezolano. El a bisa cu “Falcon ta un pueblo cu tambe ta mobiilsando y lo bay yena su voz dilanti mundo pa defende e integridad nacional.”
