Kooyman su campaña di fin di aña a finalisa y e ganadonan ta conoci. Tras di e ganado tin un storia bunita. Lagrima a cay for di wowo di e maximo premio di campaña di Kooyman. “Dios a manda mi e premio aki”, el a expresa.
Kooyman ta sumamente agradecido na henter pueblo di Aruba cu a apoya nan, principalmente den e temporada di e campaña cu a resulta un exito grandi.
A saca en total 23 nomber di ganadonan. Di e grupo aki 20 a haya un certificado di 250 florin pa busca material na Kooyman. Y awe e tres ganadonan grandi mester a presenta na e tienda y participa den e ceremonia di saca premio.
E tres personanan aki ta Lina Pacheco; Nicolaas Quandus y George Bislip. Tabatin tres caha grandi y den cada un tabatin un flyer cu suma di placa riba dje: 7.500; 4.500 y 3000 florin cada un. E prome pa scoge e caha y mira su premio tabata George Bislip, kende a gana e suma di 3000 florin. A sigui turno di Lina, kende no a duda y a bay para di biaha banda di e prome caha. Na momento cu el a saca e envelop, el a tapa su cara di biaha di emocion: el a bay cu e premio grandi di 7.500 florin y automaticamente Nicolaas a gana e premio di 4500 florin cu a keda.
“Hopi tempo caba mi kier a drecha mi cas (apartamento) pero door di pandemia y otro cosnan mi a logra. Na december ultimo mi apartamento a kima. Y esaki a bin awo. Dios ta grandi. Dios a mandami e premio aki. Danki na Kooyman,” Lina a conta cu lagrimanan yena di emocion.
A saca e nomber di e ganadonan dia 11 di januari den presencia di Notario Chamila Tromp di Leaf Notary.
End of The Year Campaign ‘ Where The Magic Happens’: a cuminsa dia 23 di november y a termina dia 31 di december. Cu cada compra di Awg. 75,- of mas clientenan a ricibi raffle tickets pa participa pa gana e premio maximo cu ta Awg. 7500,- na Kooyman Gift Bon.
2nd premio: Awg. 4500,- y 3er premio Awg. 3000,-. Tambe 20 ganador a gana Awg. 250,- na Gift Bon di Kooyman.
