FTA lo percura pa yega na un CAO. Nan tin CAOnan anterior cu por referi na nan. Pero tin tambe e necesidadnan, e situacion cu e trahadonan ta aden actualmente, ta haci inventario di tur situacion cu tin. E problemanan cu tin, tambe ta wak e parti kico ta e prome preocupacion di e trahadonan pa asina atende cu nan.
Modernismo
Awendia desaroyonan ta pone cu ya cierto areanan di negoshi, no ta asina atractivo. Si pone por ehempel television mes, nan tin cu competi fuerte. Nan costo ta halto pa produci y awendia bo tin e rednan social cu ta matando cierto di e medionan cu ya caba tabata existi riba mercado. E no ta facil pa un television por sobrevivi. Dirksz a splica cu esey ta un hecho. Esey ta loke a tuma nota di dje. Di berdad, den combersacionnan informal cu e director, a wordo informa di esey cu ta berdad un preocupacion. Sinembargo mester crea e espacio pa e compania haci negoshi. Ta kere cu tin espacio caminda cu bo mester busca e mercado. E mercado cu tin cu segun ta indica. E comunidad ta gusta show y si ta bay concentra por ehempel riba e sector hotelero pa e turistanan, e hotelnan por aporta na e funcionamento sano di e compania aki, caminda cu tin aporte financiero, mester wak tambe pa e demanda, exigencia di e turista. Entre otro e noticianan rapido cu por bin, sigur ta conta cu turista Mericano, mester tin hopi mas noticia rapido. No sa si talkshow lo por yuda. En todo caso, aki ta papia di pone cabes hunto y ta creativo pa haci e negoshi aki progresa, florece, pa duna e bida na e compania y tambe trahadonan, garantisa nan futuro. Ta dificil pa televisionnan funciona, mirando e popularidad di Social Media. Canal 22 ta funciona. ATV tey, pero no ta funciona manera mester ta. Un bon maneho di sinta hunto, ta creativo, cu un programacion manera mester ta, ta duna su posibilidadnan pa sobrevivi den e momentonan dificil cu kisas e tipo di companianan aki ta pasando aden.
