Durante e reunion den Parlamento, fraccion di AVP a haci bon cla na minister cu ta dos aña caba cu a firma pa un Landspakket y te awe ainda Aruba ta wardando, kico ta e puntonan di accion. Den declaracion Parlamentario Gerlien Croes a indica cu tin profesional trahando cu falta di capacidad pero ya pueblo no ta kere mas den tanto promesa y den mesun strijking di promesa ta puntra nan mes kico ta e maneho financiero cu e pais aki ta hiba y con ta responsabilisa nan mes.
E parlamentario di oposicion ta puntra con por ta posibel cu Arubahuis ya pa tres cuatro dia caba ta topico, un biaha mas, di preocupacion pa caso di integridad y corupcion y minister ta sali bisa awe mainta cu e mester mas tempo. Ta casi un aña di tempo pa por haya claridad. “Kico a pasa cu su placa na Hulanda 20 di Januari 2022, 17 pregunta a ser manda pa prome minister,” Croes ta señala.
El a contesta cu Besaril no ta haci uso di e Ambtswoning y na e momento aki e gasto mensual pa e cas unda e ta biba aden ta 2788 euro mas utilidad 502 euro, dus mas cu 3200 euro pa e biba pa luna, mientras cu e hypotheek pa e Ambtswoning cu ta paga siendo cu e cas ta bashi, paso e cas señor Besaril a haya cu e no ta suficiente bon pa e biba aden y cu e kier un cas mas moderno.
Croes: “E cas ey nos ta pagando 5 aña caba 2432 euro pa luna p’e, dus haci un rekensom un rato di cuanto placa nos a gasta den 5 aña na Besaril anto ainda bo tin cu cay den shock na momento cu un carta ta sali eyfo di e mesun trahadornan di Arubahuis dunando di conoce cu por lo menos 20 mil euro e tabata gasta pa drecha e cas cu nos ta pagando.”A duna gobierno tempo paso e peticion ta di 20 di Januari 2022. Na maart prome minister a contesta cu e mester tempo y cu ta bezig cu onderzoek ta tuma 3 luna di tempo. Dia 14 di Juni fraccion di AVP a manda un peticion pa un reunion publico. Presidente di parlamento tin e deber di yama e reunion publico ora tin tres miembro di parlamento ta haci e peticion pa esaki, pero ainda no a sosode. A sali bisa pa dune tempo pa investigacion y rapport di CAD keda cla. Mientrastanto tur hende sa cu minister di e gabinete a haci corupcion cu placa di pueblo y tabata tin iregularidadnan financiero cu e rapport ta bay duna detaye di kico a pasa of laga di pasa.
Pa e relato completo, lesa edicion di TREMPAN
