Dia 8 di september tawata dia internacional di fisioterapistanan. Henter luna di september ta luna di fisioterapia y ta importante pa comunidad conoce nan rol miho den henter e trayecto di cuido. Specialmente den e pandemia aki, e fisioterapista ta mas ocupa yudando pashentnan cu dificultad pa hala rosea.
Ta bon pa realisa cu e fisioterapistanan tambe ta hunga un rol den atende pashentnan cu a haya Covid-19. Tin casonan severo cu por conduci na interna pashent den hospital. Ora e pashent bay cas, ayudo lo sigui entre otro; cu e fisioterapistanan. Nan lo tin como funcion principal pa yuda e pashent saca slijm y cu e halamento di rosea.
Un fisioterapista ta un experto riba movecion y ehercicio y por guia pashent con planea un programa di ehercicio pa fortalece e musculonan y mehora condicion di e pashent.
