Dokter di cas a contagia cu Coronavirus na Boneiro

3373

Boneiro tin un caso positivo mas di Covid-19 y awo a yega na 2 caso activo. Ta trata di e Dokter di Cas, esta Dokter Hermelijn. El a haci un test pasobra e tabatin kehonan leve. E resultado di e test a resulta positivo. A cuminsa investiga e fuente y cu ken e tabatin contacto.
Ta buscando tur persona cu for di diasabra 5 di september 2020 tabatin contacto cu Dokter Hermelijn. Departamento di Salubridad Publico ta yama tur. Personanan cu tabatin contacto hopi cerca cu e Dokter di Cas mester bay den cuarentena. Si nan tin sintoma lo test tur.


Desde inicio di e virus Covid-19 na Boneiro, a test no menos di 895 persona, di cual 884 ta negativo, 37 ta den cuarentena, 1 a fayece, 8 a recupera, tabatin un total di 11 caso positivo y cu consecuencia cu awe tin 2 caso so activo.