Diaranson anochi den oranan trempan a manda Polis pura den direccion di Pizza Hut. A drenta informacion cu tin problema y arma di candela den wega. Ora cu Polis a yega eynan a resulta cu tabata tin un fiesta di mucha y esnan cu a haci fiesta a topa cu otro grupo cu nan tin problema cune. Eynan cos lo a bay for di man. Un dama a bisa cu e otro grupo a saca arma. Varios unidad di Polis a yega na e sitio. Nan a bay over na tende cu e caso mesora.
E polisnan a dicidi di core cu tur hende for di e sitio. No a haci detencion y no a topa cu arma di candela. Fiesta di mucha a caba mesora pa motibo di problema di adultonan. Poco siman pasa tambe mayornan a agredi otro pa mesun situacion di agresion ora a bay come cu mucha. Muchanan ta bay cu e mayornan pasobra tin luga pa e muchanan hunga y come. Sigur e tipo di cosnan asina no ta nada bunita pa e muchanan.
