Riba e dianan diabierne 6 te/cu dialuna 9 di Juli, Federacion di Ahedres Aruba (FAA) ta organisa e torneo tradicional Leonardo Carter Memorial 2018.
E torneo aki ta cay bou di e torneonan di fin di siman (torneo nacional) cual ta conta pa rating nacional y tambe pa puntonan di FAA.
Leonardo Carter Memorial 2018 lo ser hunga den nos clubhouse di FAA cual ta situa na Nieuwstraat 11, Oranjestad.
Lo tin 3 diferente categoria: Open, U-18 y U-12. Inscripcion pa e torneo aki lo tuma lugar riba diamars 3 di Juli 2018 entre 7.00 – 9.00 pm den nos clubhouse di FAA. Inscripcion pa miembronan di FAA ta Afl. 10,= pa e categorianan U-12 y U-18, mientras cu miembronan cu lo hunga den e categoria Open lo mester paga Afl. 15,=
Esnan cu no ta miembro y kier participa den un dje tres categorianan, lo mester paga Afl. 25,=
Por registra tambe via email na email-adres [email protected]
E categoria di U-12 lo ser hunga riba dialuna dia 9 di Juli y e torneo lo consisti di 7 buelta. Pa wega cada hungador ta haya 15 minuut. Prome buelta lo cuminsa pa 10.00 am y e ultimo buelta lo ser hunga di 2.00-2.30 pm, mientras cu entregamento di premio lo tuma lugar entre 2.30-3.00 pm. Lo tin trofeo pa e prome tres lugarnan di e hungadornan masculino y trofeo pa e prome tres lugarnan di e hungadornan femenino. Pa e best U-10 y Best U-8, lo tin un medaya.
E categorianan Open y U-18 lo ser hunga riba diabierna 6, diasabra 7 y diadomingo 8 di Juli proximo y lo hunga un total di 5 buelta. Pa wega cada hungador ta haya 1 ora y 15 minuut y lo haya un ‘incrementing time’ di 30 seconde pa hugada.
E prome rond lo ser hunga diabierne 8.00-11.30 pm. Diasabra lo hunga buelta no. 2 di 3.00-6.30 pm y buelta no. 3 di 7.00-11.30 pm. Diadomingo lo hunga rond 4 di 10.00 – 1.30 pm y rond 5 y ultimo buelta lo ser hunga di 2.00-5.30 pm. Entregamento di premio ta planea pa tuma lugar entre 5.30-6.00 pm.
Pa Categoria di U-18 lo tin 3 trofeo pa e prome 3 lugarnan, mientras cu lo tin un medaya pa e mihor hungador di e categorianan inoficial U-16 y U-14. Den Open e prome tres lugarnan lo gana trofeo.
Federacion di Ahedres Aruba kier a invita tur su miembronan y interesadonan pa bin hunga y/of bishita Leonardo Carter Memorial 2018 na su clubhouse durante e dianan 6, 7, 8 y 9 di Juli proximo.
