Fundacion pa Esnan cu Deficiencia Auditivo Aruba (FEDAA) a wordo funda dia 11 di April 2013, cu ayudo financiero di Rotary Club Rijswijk Ypenburg di Hulanda. Fundacion FEDAA tin su directiva cu ta consisti di 7 persona cu ta traha boluntariamente y cu hopi dedicacion. E fundacion tin actualmente tin 55 miembro y tin como meta pa entre otro defende e derechonan di e persona cu deficiencia di oido y yuda nan cu e retonan dificil cu nan ta enfrenta den nos comunidad. Señala y traha riba e problemanan relaciona cu perdida di oido; problema di comunicacion, social, laboral, economico etc.
E meta ta pa e persona cu problema di oido alcansa un posicion igual den comunidad unda e identidad propio di e hende sordo/cu problema di oido ta keda manteni. Nan tambe tin e drecho di ta forma parti di nos comunidad.
FEDAA ta fungi como “E brug” cu ta haci tur su esfuerso pa facilita e participacion y integracion pa e persona cu problema auditivo den nos comunidad Pa medio di actividad p a su miembronan manera workshops, anochi informativo, actividadnan educativo y social, curso, etc. pa asina nan bin hunto pa socialisa y no cay den isolacion.
Fundacion FEDAA ta super contento di uni e aña aki cu Stichting Monumenten Fonds pa forma parti di e actividad aki di Fiesta di Cunucu 2019, esaki en conexion cu den luna di September ta celebracion Dia Internacional di Esnan cu Deficiencia Auditivo.
FEDAA e aña aki ta encarga cu e BAR pa cu e actividad di Fiesta di Cunucu y tur ganashi pa cu esaki ta bay pa fundacion FEDAA pa asina por sigi organisa projectonan educativo, informativo y social pa tur su miembronan. FEDAA su miembronan lo bay yuda e dia aki den BAR, pa cu esaki lo ta bay tin un poster cu e señanan di e bebida cu lo wordo bendi, asina aki stimula y intercambia e comunicacion cu e persona cu deficiencia di oido.
Por ultimo ta invita Aruba henter pa bin bishita e actividad aki di Fiesta di Cunucu dia 29 di september 2019, na Cas Tan Tin Cunucu abao 19 di 10 or pa 3 or.
Bin disfrunta di un dia yena cu ambiente. Conoce y celebra cultura di Aruba y aporta na un bon causa pasa serca nos na nos BAR bon surti!
Fundacion FEDAA kier a gracidici un y tur cu a yuda y coopera, un danki grandi ta bay na prome luga na Monumentenfonds Aruba pa a scoge fundacion FEDAA pa haya e BAR e aña aki pa recauda fondo pa nos Fundacion. Un danki grandi na Tropical Bottling Company pa a yuda nos pa cu nos Bar ta bon surti. Danki tambe na Conar NV y tambe Aruba Supplies & Distribution (ASD)
Interesadonan cu kier sa mas di Fundacion FEDAA por pasa na nos oficina situa na MFA-Paradera, Paradera 145-C, Number di contacto cu Sra. Stella Montsanto presidente celnr. 733-9704.
Pa donacion por haci esaki ariba e number di banco di fundacion FEDAA Aruba Bank Account Number: 6007580190
Fundacion FEDAA: Ta desea un comunidad cu ta sali for di e punto di bista di e Posibilidadnan di e individuo y no solamente enfoca riba e hende su disabilidad!
