Dos dia pasa, bartender Bannie Kang a post un potret di e evento SWG3 na Glasgow, Escocia, pinta den colornan briyante pa e World Class Glasgow, e competencia di cocktail mas grandi na mundo.
Kang, kende ta haci su magia tras di bar na Anti:Dote, un bar den Swissôtel The Stamford na Singapore, tabata na Escosia e siman aki compitiendo pa e premio grandi di bartending. Y ora cu e resultadonan a keda revela diahuebs anochi, e autoafirmacion di Kang a bira realidad: a nombr’e como e miho bartender di mundo na 2019.
A invita e y 52 otro bartendernan experto pa forma parti na e bueltanan final di e World Class Competition, despues di a sobresali den eventonan nacional den nan respectivo paisnan.
E participantenan a haya varios tarea dificil na destilerianan tanto na Hulanda como Isle of Sky, Escocia pa asina convence e huesnan, creando obranan cu por entre otro impacta positivamente e medio ambiente y tambe un sentido di comunidad den nan seno.”
Di e grupo di 53, a scoge ocho finalista, cu ta inclui Kang, Hiroki Yoshida, Cameron Attfield, Tony Lin, Won Woo Choi, Shelley Tai, Alex Remoundos y Jeff Savage.
Pa e ultimo buelta, tur ocho bartender a haya chens pa “wow” e huesnan, incluyendo crea un cocktail cu lo complementa miho e Singleton single malt Scotch, y pa crea un three-drink flight cu ta ilustra e sabornan di Tanqueray No. Ten gin (E multinacional productor Diageo a sponsor e competencia aki mirando cu e bebidanan ilustra ta naturalmente, for di su portfolio masivo di marca).
“Na prome bista, Diageo World Class Bartender of the year ta purba di invita e miho bartendenan di e planeta pa participa den un gran competencia cu e miho bebidanan disponibel,” Simon Earley, director di Diageo World Class, a bisa den un comunicado. “Pero tambe ta trata di haci cu tur e talentonan increibel aki traha y siña hunto, pa nan por inspira mutuamente y genera ideanan entre nan mes pa nan eleva e cultura di bebida na nivel mundial, pa e beneficio di tur.”
Kang awo lo pasa e proximo 12 lunanan como embahado global di Diageo Reserve, husgando e competencianan nacional pa e competencia di Clase Mundial di otro aña y haciendo aparicionnan special den algun di e miho barnan di mundo.
Esey no kiermen cu su actuacion “regular” no ta solido: A nomina Anti:Dote pa e premio Bar Best Hotel Bar Rewards, cu lo ta presenta otro luna (Y e propio Kang ta bay tey pa entrega e honornan individual: Hospitalidy Ambassador of the Year y Bartender of the Year).
