Gobernador interino y Prome Minister, mr. Evelyn Wever-Croes, a reuni p’asina firma e decreto oficial pa disolve Parlamento di Aruba. Y a fiha e fecha di eleccion nobo pa aña 2021.
Fecha di eleccion ta bira 25 di juni proximo. Minister presidente Wever-Croes a sigui indica cu e fecha di entrega lista di candidato ta tuma luga dia 7 di mei 2021. E periodo di eleccion ta uno cortico y ta stipula den constitucion cu na momento un gobierno baha prome cu tempo, tin cu aplica e reglanan aki.
Mester menciona cu a dicidi tambe, cden bista di e reglanan fiha pa evita mas plamamento di Coronavirus na Aruba, cu lo no permiti pa organisa ningun sorto di actividad politico te cu dia 11 di april 2021. Despues di e fecha lo reevalua e decision hunto cu polis y Crisis Team den concordancia cu partidonan politico.
E ora lo mester dicidi cu si ta organisa eventonan y tambe ki tipo di evento lo por organisa, basa riba e cantidad di personanan hunto pa evita aglomeracion.
Esaki ta pone cu e eleccion ta na juni, cual a pone cu e parlamento nobo ta sinta dia 8 di juli proximo.
