Diasabra atardi alrededor di 6:10 pm a sosode un accidente cu basta daño material n’e crusada na Sero Pita. E accidente a causa cu dos persona a resulta herida. E autonan envolvi ta un Honda color blanco y un pickup color blauw marca Nissan. E pickup tabata biniendo riba su caminda di preferencia, for di Weng Kee direccion Tamarijn y e Honda for di Piedra Plata pa Ayo.
Posiblemente e Honda no a duna preferencia na e Nissan, pa cual a alcans’e. E front di e Honda a keda completamente destrui. Polis di trafico a presenta pa documenta e accidente aki. Ambulance a presenta pa atende cu esunnan cu a resulta herida, pero no tabata necesario pa transporta nan pa hospital.
