Trahadonan di Eagle Resort kier haya un sindicato pa representa nan, y di cual na comienso di aña acerca Federacion di Trahadonan di Aruba (F.T.A). A pasa door di e henter e procedura, pero gerencia a demanda nan pasobra ora a sinta na mesa a kere cu asina e procedura ta.
Hues a mustra e gerencia cu cosnan no ta bay asina y cu mester tene un referendum pa mira cua sindicato lo ta representando e trahadonan. Eagle Resort ta consisti di diferente companianan, segun Hubert Dirksz, presidente di F.T.A.
E prome departamento cu a yega na Mediador di Gobierno pa vota ta e departamento di contabilidad/accounting cu ta cay bou di e compania Abura. Pa 10:30AM-12:30PM e trahadonan di Eagle Casino lo vota y pa 1:30-3:00PM e otro departamentonan di Eagle Resort lo por vota. E resultado di e votacion lo haya esaki den oranan di atardi.
