Trahadonan di Interport Logistics tabata di tene un walkout pa motibo cu nan no ta contento cu cierto cosnan cu ta pasando. Gerencia a duna oido na e peticionnan di trahadonan y asina a suspende e walkout.
E trahadonan di Interport Logistics a acerca nan sindicato Federacion di Trahadornan di Aruba (F.T.A.) y informando nan cu e compania tin pensa di emplea un compania di afo pa haci cierto trabou. Esaki no a cay bon cu e miembronan di e sindicato, ya cu nan mes por haci e trabounan.
Segun Tyrone Bremo di F.T.A., desde cu ta pasando den e pandemia aki e compania a tuma medidanan inhusto contra e trahadonan. A haci diferente cos cu a pone e trahadonan acerca e sindicato, pero e situacion aki tabata e ultimo gota. E opcion tabata pa bay un accion, pero a manda un carta pa e compania splicando nan kico ta e punto di desacuerdo.
Abogado di e compania a yama F.T.A. pidiendo pa reuni lo mas lihe posibel y pa no bay cu e accion, pa asina yega na un acuerdo cu e exigencianan. Pero a hala e reunion y a informa nan cu e trahadonan lo keda para pafo wardando riba esaki.