Parlamento a invita tanto directiva di hospital, cu su director, como tambe directiva di SOGA, p’asina contesta algun pregunta cu e parlamentarionan di e diferente fraccionnan tabata tin, encuanto di e problemanan andando pa loke ta e hospital su renobacion y ampliacion.
Despues di e preguntanan haci di parti di e parlamentarionan, a toca turno pa e invitadonan duna nan contesta al respecto.
Director di Hospital, Ezzard Cilie, a comenta cu manera palabra, a bay door di e preguntanan. El a realisa den varios di e preguntanan haci, a bin e punto encuanto di rol di e diferente partidonan cu ta acerca. Toch ta di importancia pa bisa of pa menciona, vooral kico ta locual ta molestia hospital.
Cilie a pone su mes cu e no lo bay keha, ni culpa SOGA. El a sigui remarca cu tabata tin un momento cu a scoge, a dicidi cu Hospital lo bay reconstrui, mientras tanto cu e hospital ta keda operacional. Cilie a bin topa cu e situacion eynan. Prome cos cu a pensa cu si ta realisa cuanto riesgo ta core na momento cu ta haci’e di e forma aki. “No ta cuestion cu por bay bek riba dje, pero e momento a realisa, cu ta core riesgo hopi grandi,” el a bisa.
Ruben Croes
Na januari di 2017, Raad van Toezicht di hospital a yama Cilie, a papia serio cun’e cu nan no ta contento cu e forma cu e trabaonan ta bay cu SOGA. Na e momento ey a duna Cilie e opdracht tambe pa e tuma e leiding di e bouw di e hospital. Aunke e no ta haci e construccion, CIlie a bisa cu el a responsabilidad riba dje si. Na mes momento, bisando esey, Cilie ta haya ta bon, pa splica e situacion pa cu Ruben Croes. A menciona cu e ta un verbandmeester. Sinembargo e ta mucho mas cu esey, segun Cilie. Y loke cu e por bisa ta cu Ruben Croes no ta projectmanager. E no ta wordo paga pa e funcion ey. Sr. Croes ta responsabilisa su mes na Cilie y esun cu ta carga e responsabilidad pa e parti di bouw pa hospital, tecnicamente construccion, pa percura cu Cilie por garantisa cuido por sigui normal, manera cu a wordo palabra cu e partido SOGA. Den esey, Ruben Croes, kende ta coordinador di e bouwcommissie, no pasobra e sa di construccion pero pa su conocemento riba e tereno di cuido, den cual e ta miho awo. E ta dirigi e grupo den cua rumbo lo mester bay. Esey ta loke cu Cilie a aclarea, y a bisa cu ora e tende loke ta wordo papia den prensa, ta duel’e hopi. “Si tin un hende su curason ta casi den hospital, ta Ruben Croes.” Cu esaki Cilie kier a coregi e parti eynan.
No lo culpa ningun hende
Diabierna, Cilie a bisa, e situacion a bay basta leu pa cual mester a yama e minister y pidi’e pa yud’e pasobra e no por carga e responsabilidad di cuido, y di e construccion di hospital mas.
Den combersacion cu e minister, a bis’e hopi bon y hopi cla, cu e no ta bay culpa ningun hende den esaki, simplemente locual e ta deal cun’e tur dia, tin poco di haber cu cuido. Pero e ta carga e consecuencia continuamente. Cu tur bon intencion, na momento cu e proyecto aki a sali, e intencion tabata algo nechi, algo masha bunita mes. E ta admiti cu tin keho. Cu e comunicacion cu SOGA ta malo, Cilie no ta di acuerdo cu esey, pero si e ta bisa cu tin diferencia di opinion. Na varios ocasion, ora cu tin diferencia di opinion, ta ora cu Cilie ta mira cu su cuido ta bay den peliger. Esey ta su trabao cu e ta responsabel p’.
E problema ta bin ora cu tin diferencia di opinion y no mag di haya esey straño tampoco. Ta p’esey e ta bisa cu e no kier culpa SOGA.
Den su disertacion, Cilie a comenta repetidamente cu el a pidi e minister yuda pasobra e no por carga locual ley ta perscribi. Pero, e no a give up.
