Poco tempo pasa, na momento cu Minister di Labor di AVP, Drs. Paul Croes, a wordo interoga pa corupcion y labamento di placa, mi a bisa cu esun cu comete algo malo, mester carga su responsabilidad”, asina Evelyn Wever-Croes, lider di partido MEP, a duna di conoce riba su pagina di Facebook relaciona cu detencion di familiar di su lider di campaña. “Mi ta ripiti esaki tur dia y tur caminda. Tambe awor cu dos ciudadano di Aruba, familiar di nos campañadonan, a wordo deteni na Merca”, asina e lider politico a reafirma. Pa finalisa Evelyn Wever a subraya cu “Mi ta enfatisa cu e ta cay pa nan responsabilidad y cu e no ta afecta nos campaña en lo absoluto. MEP ta creciendo cada dia y lo sigui crece y no tin nada pa para nos. Dia 22 di september Aruba lo mira e cambio tan anhela”.
