A para e decision di bin cu e COHO, pero ta dificil pa duna e ambtenaarnan e placa bek. Awo ta wardando e decision di Rijksministerraad si ta elimina e 7.6% completo.
Durante rueda di prensa, Sharina Henriquez a puntra minister presidente riba landspakket y recorte di salario dje ambtenaarnan. mr. Evelyn Wever-Croes, minister presidente, a recorda cu na aña 2020 gobierno a pidi e empleadonan publico un sacrificio di 12.6%, mientras 25% di e minister- y parlamentarionan. E 12.6% di empleado publico ta parti den dos parti, cual prome parti ta 5% tur luna kita fo’i salario y 7.6% ta parti di e vakantie uitkering, back to school premie na augustus y parti di e premie di november.
Esun di cinco porciento gobierno a reestablece aña pasa na juli. Esaki kiermen cu entrante juli tur ambtenaar a haya nan salario completo mensual. Esey ta keda asina y ta den presupuesto di gobierno e aña aki, esey no tin ningun problema cu ne.
Segun e mandatario, e 7.6% ta den e presupuesto di e aña aki y ta aproba pa parlamento. Gobierno ta pendiente riba un decision di Rijksministerraad pa mira si ta elimina esaki completamente. E luna aki e 7.6% ta riba agenda di Rijksministerraad.
Pa mas lesa TREMPAN.COM.
