Diasabra a hiba e periodista Robby Burleson pa su ultimo luga di sosiego. Un persona hopi stima pa su famia, su coleganan di Diario y specialmente di e mundo di deporte, particularmente baseball. Hungadonan di tur edad a yega Aurora Funeral Home pa despedi y expresa palabranan di condolencia na su casa Gina, nan yiu Miguel y demas famia presente.
Durante e response Pastor Jairo Maduro a duna un bunita predicashi tocante e hecho cu nos tur a bin na e mundo aki pa na final entrega nos bida bek na nos Creador, locual ta hopi dificil pa acepta tanten nos ta na bida pasobra ningun hende ta prepara pa morto y ora un ser keri ta despedi di e mundo aki ta laga un bashi y tristesa inmenso.
Headlines Group, cas editorial di 24ora.com, ta expresa palabranan di nos mas profundo condolencia na famia di Robby. Cu Robby sosega na paz.
