Un grupo di empleadonan di Manrique Capriles ta enbusca di nan derecho, pasobra nan a keda sin trabou y sin entrada. Nan a haya cesantia y tin di nan ta personanan cu no por haya trabou door di nan edad. E empleadonan a bay corte y sentencia a cay. Nan no tabata di acuerdo cu esey y p’esey a presenta na mediador.
Hues a dicta na fabor di Manrique Capriles y a bay di acuerdo p’e compania paga e empleadonan cesantia. Segun abogado mr. Hernandez, esey ta menos di loke nan a spera. E situacion financiero di Manrique Capriles ta basta malo, pero durante e caso nan a trece dilanti cifranan di nan contabilidad.
E empleadonan hunto cu abogado a trece diferente cos cu a bay robes durante e ultimo añanan. Pero e decision di hues tabata basa riba e cifranan entrega cu pa e empleadonan esaki ta malo. Tambe e hues a tuma decision pa compensa e empleadonan cu cesantia.
Relacion di trabou cu e 9 empleadonan ta termina dia 15 di januari 2021 y esey ta algo inusual. Esaki ta pa motibo cu ora hues duna un sentencia pa disolve e contrato laboral, esey ta pasa di biaha. Na april nan a haya un pakete y no a tum’e. Nan salario a core desde april te 15 di januari, esey kiermen nan a haya algo extra band’i e cesantia. E empleadonan mes a reacciona riba nan situacion, cual nan no ta di acuerdo cu ne.
