Djabièrnè 30 di novèmber 2018 24 empleado di Landsontvanger, ku a sigui e kurso interno pa ‘Senior Medewerker, Medewerker Invordering i Deurwaarder der Belastingen’, a risibí nan diploma.
Tabata un kurso intensivo den kua e kursistanan mester a hasi un eksamen na final di kada módulo. Awor gobièrnu ta disponé di un grupo nobo di amtenar ku por duna nan aporte pa por kobra e debenan di impuesto. Landsontvanger por ta orguyoso di por disponé di Deurwaarder i Invorderaar profeshonalmente formá.
Na e seremonia tabata presente direktor di Banko di Seguro Sosial (SVB), señor Philip Martis, kende huntu ku señor Alfonso de J. Trona a entregá e diplomanan. Nos kier felisitá e empleadonan aki di kurason i ta deseá nan hopi éksito den nan futuro karera.
