Dialuna a habri cu un fila atrobe na ELMAR (Playa) pa clientenan cu kier cumpli cu nan deber, pero e biaha’ki a haya algun problema.
Na e sitio por a mira cu e fila tabata uno basta largo, segun por a compronde for di algun ciudadano, nan a yega prome cu 7’or di mainta pa haya un luga dilanti pa por paga cuenta.
Sinembargo pasa di 8’or di mainta e guardia a informa e grupo para dilanti cu e compania ta confrontando algun problema tecnico pa cuminsa atende cu e clientenan. Na e momentonan ey no por a informa nan cuanto esaki lo dura, si ta 10 minuut, un ora of mas. A sugeri esnan cu no kier keda den e incertidumbre cu nan por acudi na e filial na Hato cu ta atendiendo cliente caba.
