Hard Core Fitness ta habri bek dialuna

835

Giovanni Arendsz, propietario di Hard Core Fitness ta anuncia cu gymnan ta habri nan porta dialuna, 25 di mei, y tambe Hard Core Fitness situa na Seroe Blanco 12.

Management ta informa cu e gym ta habri segun su orarionan di semper, pero ta bay tin reglanan di Protocol di DVG cu mester bay cumpli cu nan estrictamente. Na entrada, ta haya material di higiena cu cada miembro mester uza pa haci e ekiponan limpi prome cu e cuminsa uza nan.

Tur hende mester trece nan awa, of cumpra boter di awa, ya cu cooler no ta uza mas. Serbette tambe tin na e gym, pero ta miho cada persona trece un di nan mes. No lubida nan ta habri di 5’or di mainta te 10’or di anochi pero e ta bay pa grupo, pues no por train riba diferente orario y por hacie pa un ora so.

Hard Core Fitness ta habri bek dialuna

Hard Core Fitness ta habri bek dialuna. Click e link pa mas https://24ora.news/2LS5U4L

Posted by 24ora on Sunday, May 24, 2020

Pa loke ta e mashinnan di cardio, semper un mester keda liber entre cada miembro pa cumpli cu e regla di distancia. Y naturalmente personanan cu ta mal no ta permiti pa participa den e trainingnan.