Cabesante di Educacion Profesional Basico ( EPB ) Playa Erwin Lopez a conta con e dia a bay y kico tur a prepara pa e alumnonan pa e celebracion dobel di awe.
Un diabierna cu a bay 2 den 1. Mainta a cuminsa cu celebracion di San Valentino caminda a ofrece e alumnonan cu a sinti di haci un detaye special, e opcion di cumpra rosa na scol y entrega esaki na e persona cu tin luga special den nan curason.
Segundo parti di e dia ta caminda cu a cuminsa cu e celebracion di carnaval. Tur alumno a keda invita pa pasa den cura pa asina forma parti di e jump-in carnavalesco.
Meneer Lopez a conta e actividad tabata dirigi na participacion di full e scol, no sa si ta prome biaha ta organise di e forma aki, pero mirando cu e como cabesante a bin di San Nicolas por bisa cu carnaval ta bida eynan y a trece esaski tambe pa EPB Playa y a bisa cu a bay all out cu ne.
Durante e dia tabata tin tambe como actividad un competencia di makiyahe cu tambe a resulta sumamente exitoso entre e alumnonan.
Aproximadamente 1000 mucha ta forma parti di e scol pero ta calcula un 600 pa e jump in di awe. Encarga pa pone e ambiente total a lag’e den man di Le Groove cu a bin cu e Soca King di aña pasa como e King di e aña aki pa asina pone tur hende riba pia. Un mainta cu sigur a mira hopi alumno move y baila sin fin.
