Pius X den gran celebracion di su 60 aña di existencia

489

Temporada di carnaval ta den full swing y como parti di nan gran celebracion di nan 60 aña di existencia riba fecha 16 di februari, a opta pa celebra esaki hunto cu e alumnonan riba ruta den bario di Dakota den un tremendo “Fietstocht” yena di ambiente y diverticion.

Pius X school tin actualmente 2 klas di cada aña dus en total tin 12 klas cu un total di 200 mucha riba caminda. A tene na cuenta e muchanan cu no a logra bin cu bisicleta, a pone un actividad apart na scol pa nan.

Sheila Lazo-Tromp Cabesante di Pius X a splica cu a escohe e tema valentine’s day y 60 aña y asina ey a pidi cada alumno pa decora creativamente nan shirt pa pasa riba nan bisicleta y gosa di e recorido.

Pius X den gran celebracion di su 60 aña di existencia

Pius X den gran celebracion di su 60 aña di existencia. Click link pa mas https://24ora.news/2UQP63G

Posted by 24ora on Friday, February 14, 2020

Na mes momento Sheila a conta riba e demas celebracion cu tin programa relaciona cu e fecha di nan 60 aña. Diadomingo venidero lo tin un Santo sacrificio di Misa, na Misa Di Fatima Dakota, sigui pa un brindis chikito, como tambe un gran celebracion den forma di un Gala Dinner den luna di juni, acompaña pa e bandanan Tsunami y N’Fuzion cu ta premira di bira algo grandi.

Pius X ta un simbolo di historia di no solamente e Bario pero pais Aruba. Si wak bek 60 aña educando e dushi Bario di Dakota y vecindario caminda cu por admira un gran cantidad di profesionalnan den comunidad cu bon puesto a sali di Pius X school, cu ta yena e scol di orguyo. Cabesante Sheila Lazo-Tromp a menciona cu su persona mes ta un ex alumno di e scol, a traha duro pa yega unda e ta awe y hunto cu demas docente lo sigui traha duro pa sigui hiba e scol dilanti. Gradecido na algun logra caba manera entre otro airco na e scol y un bibliotheek pero semper cu hopi mas proyecto dilanti. Un danki grandi ta bay na tur cu ta aporta semper cu e scol, na cada docente, mayor, comerciante cu tey den cada logro.