Campeonato HEINEKEN fast pitch femenino categoria AA di Aruba Softball Bond a continua. Rockets ta anota 3 careda den promer inning pero mesora Eagles ta corta e ventaha den bom di promer inning cu 1 careda.
Rockets ta mantene ventaha pero den bom di 3 y bom di 4 Eagles ta rally pa 3 careda den cada inning pa finalmente vense Rockets 7-3 den un bon wega porcierto. Mihor bateadornan pa Eagles ta Myah Thompson 2-2, Mellizienne Richardson 1-1 cu un doblete, Sharlanee Richardson 3-1, Xiorcaniyx. Vargas 2-1 cu un doblete, Destiny Johnson 2-1. Pa Rockets Yolaisha Ridderstap ta topa un recta di Gilda James y ta deposita esaki tras di cura den deep center left impuhando 2 careda cu un cuadrangular y ta bay di 1-1, Angela Angela ta bay di 2-1.
Mellizienne Richardson cu ta drenta di relevo ta seya e victoria riba su nomber lansando 30 pitch y no ta permiti ni hit ni careda ponchando 6 bateador. Milderd Kock ta lansa 36 bola, 35 strike pa un total di 71 lansamento permitiendo 7 careda tras di 7 hit y ta regala 4 base poor bola y ta bay cas cu e derota riba su nomber. Campeonato AA ta continua Diahuebs awor pa 7pm unda Rockets lo enfrenta Eagles den categoria AA.
