Jayen Dabian y Dorshon Salmon ta studiante di University of Aruba FHTMS y nan ta sigui e MICE (Meetings Incentives Conventions & Exhibitions) Course. E curso ta encera cu nan mester traha un evento p’un organisacion, unda cu nan grupo a reuni. Despues di e reunion aki, nan a pensa riba Fundacion Pa Nos Comunidad (FPNC), cu sigur mester di yudansa.
Dorshon Salmon a cuminsa na splica cu nan a manda un oferta pa FPNC, cual e fundacion a acepta cu man habri. Asina tambe e studiantenan a compromete nan mes pa traha conhuntamente cu FPNC. Jayen Dabian tambe a splica cu FPNC ta Aruba su banco di cuminda oficial y prome cu e pandemia nan tabata yuda mas o menos 300 famia pa luna. Pero durante pandemia esaki a aumenta te na 5 mil famia. Tur luna nan ta traha un pakete alimentario pa yuda e ciudadanonan na Aruba y evita pa nan pasa hamber. Esaki ta un muestra cu FPNC mester e yudansa di cada un di nos.
Pa mas informacion lesa e corant digital Trempan.
