Ivan Croes eligi como segundo gobernador di Lions Club pa diferente zona

Den fin di siman Ivan Croes di Lions Club a biaha pa Miami, Florida, pa participa den un evento internacional. Ta despues di hopi tempo cu Croes a lansa su mes como un candidato pa e posicion di gobernador. El a logra gana e titulo di segundo gobernador di Lions Club pa e zona 35N, cu ta representa e islanan Aruba, Boneiro, Corsou, Bahamas y Florida. E no tabata facil pa ricibi e titulo aki, mirando cu tabatin varios otro candidato cu ta biba na Merca cu tambe a postula nan mes pa e funcion aki.

KICO E LOGRO AKI TA NIFICA PA ARUBA

Ivan Croes ta den board nobo di Lions Club pa Florida, Bahamas y islanan ABC

Posted by 24ora on Monday, May 3, 2021

Antes Lions na Aruba tabata cay bou e teritorio Venezolano. Awo, despues di binti aña cu Lions Aruba a haya e transferencia pa cay bou di Florida. Esaki ta bira prome biaha cu un yiu di tera ta presidi Lions International pa diferente zona, entre otro, Aruba. Awo, Ivan Croes cu ta forma parti di e directiva. E lo dicidi hunto cu demas miembronan riba diferente situacion, entre otro operacion di wowo y mas.

Mescos cu na Aruba, e otro 60 clubnan cu ta pertenece na e zona 35N, ta bay reanuda nan servicionan. Tin cu a organisa Bingo virtual y otro tipo di actividad cu no a encera contacto fisico. Tur esaki mirando cu e comunidadnan ta keda pidi asistencia di e clubnan di Lions. Durante e conferencia cu a tuma luga na Miami, Florida, a hasta premira pa organisa e Lions Convention International aki dos aña na Aruba. Pues por spera mas, awo cu un Arubiano ta den directiva di Lions International.