E obra a crea tanto impacto y admiracion cu awor ta di 2 aña consecutivo cu e ta wordo entrega na e ganadornan di e AHATA Excellence Awards, birando asina casi manera e insignia di e Awards cu ya ta wordo compara como e famoso premio Oscars di Aruba como e evento mas prestigioso y importante di aña di nos isla.
AHATA tur aña ta reconose e trabao noble, y ta stimula crecimiento personal, di e individuo cu ta aporta excepcionalmente na Aruba su industria turistico y pilar economico. Ta trata aki di nominadonan cu ta sali for di e ceno di miembronan di AHATA.
Senchi, cu ta bin di nos bario artistico di San Nicolaas, su obra ta refleja un “Sea shell”, esaki ya cu nos antepasadonan nativo tawata duna bon bini na nan huespedenan mediante e sonido di e trompet di calco y asina demostra nan hospitalidad y amabilidad na e exploradornan. Senchi su creacion di e ‘Sea Shell Award’ aki ta carga e spirito di amabilidad y hospitalidad ansestral aki y ta mantene esaki bibo mediante e obra di arte aki. Pa loke ta trata e diseño na e parti exterior di e shell, e estetica rustico ta repesenta e pasado, e briyo paden ta simbolisa e presente y e spiral y su postura bayendo na laira ta simbolisa futuro y crecimiento. Nos antepasadonan tawata considera bronze como un metal noble, y bronze tambe ta conooci pa ta un metal cu ta perdura pa hopi generacion. E sculptura aki ta traha di bronze pa mustra e balor y noblesa di e trabao cu e ganador di e Excelleence Awards ta ejerce. E trabou noble di e ganador mescos, cu e sculptura di bronze aki, lo sa di crea un impacto pa hopi generacionan cu ta ta bin.
Miembronan di ARTopia Aruba, Mirla Passchier, Eduard Ellis y artista Gilbert Senchi kier felicita tur nominadonan y ganadornan di e prestigioso AHATA Excellence Awards 2019. Y tambe gradici AHATA tur su miembronan y staff en especial Sra. Tisa Lasorte pa e confiansa y apoyo na nos arte y talento local.
