Partido MEP ta recorda nan co-fundado Benito Werleman

Cu honda pena y sumamente conmovi, Partido Movimiento Electoral di Pueblo (MEP) a tuma nota di fayecimento di Benito Werleman, naci dia 21 di maart 1937 y cu a fayece dia 5 di december ultimo. Na bida Benito tabata co-fundado di nos partido y a aparece riba e prome lista di MEP na aña 1971. Pues Benito tambe a duna su aporte incondicional na Betico Croes pa saca Aruba for di e constelacion Antiano, esta pa logra Status Aparte.

Partido MEP ta gradici Benito Werleman pa su fieldad y pa tur locual el a haci pa partido y pais y ta spera cu Papa Dios lo tin un bon luga den su Reino p’e. Na su famia ta bay palabranan di sincero condolencia. 

Alabes ta invita henter partido MEP pa asisti na e acto di entiero cu lo tuma luga mañan diamars dia 10 di december for di 1:00pm pa 4:00pm na Misa Inmaculada Concepcion na Santa Cruz.